Қазақстанда фильмдерді прокатқа шығарудың жаңа тәртібі бекітілді, ,-деп хабарлайды «Dalamedia» ақпараттық порталы.

Тиісті қағидаларға премьер-министрдің орынбасары – Мәдениет және ақпарат министрі Аида Балаева қол қойған. Құжат 12 маусымнан бастап күшіне енуі тиіс.

Жаңа талапқа сәйкес, прокат куәлігін алу үшін құқық иелері уәкілетті органға фильмнің кинотеатрларда көрсетілетін нұсқасын ұсынуға міндетті. Сараптама барысында туындының мазмұны тексеріліп, дәстүрлі емес сексуалдық бағдарды, педофилияны, порнографияны, сондай-ақ қатыгездік пен зорлық-зомбылықты насихаттайтын көріністердің бар-жоғы анықталады.

Еске сала кетейік, 2026 жылы Қазақстанда ЛГБТ тақырыбын насихаттауға және оны оң қырынан көрсетуге ресми түрде тыйым салынған болатын. Осыған байланысты дәстүрлі емес қарым-қатынас көріністері бар фильмдерді көрсетуге шектеу енгізілді.

Бұған дейін елде кинотуындылардағы ашық сипаттағы көріністерді қысқарту мәселесі де көтерілген еді.