Мамандар бұл көріністі Нарель тропикалық циклонының әсерімен байланыстырады. Қатты жел құрғақ өңірлерден көтерілген қалың шаңды алысқа айдап, елді мекендерге дейін жеткізген. Соның салдарынан көкжиек қызғылт реңкке боялып, көріну деңгейі күрт нашарлаған.

Деректерге сүйенсек, циклон кезінде желдің жылдамдығы сағатына 250 шақырымға дейін жеткен. Кей жерлерде бұл екпін тұрғын үйлердің шатырын жұлып әкеткен.

Синоптиктердің ескертуінше, теңіздегі толқындар да күшейіп, 800 шақырымға дейінгі жағалау аймақтарына әсер етуі мүмкін. Осыған байланысты билік өкілдері төтенше жағдай енгізу мәселесін қарастырып жатыр.

Құтқару қызметтері тұрғындарды сақтық шараларын қатаң ұстануға және тек ресми ақпарат көздеріне сүйенуге шақырды.