Мелания Трамптың өткен жылы бастамасын жариялаған бұл жобасы әлемдегі балалардың білім мен технологияларға қолжетімділігін арттыруға бағытталған.

«Figure 03, маған серік болғаныңызға рахмет. Сізді Ақ үйдегі менің алғашқы америкалық антропоморфты қонағым деп айтуға толық негіз бар», — деді АҚШ-тың бірінші ханымы.

Өз кезегінде Figure 03 жиналғандарға 11 тілде амандасып, балалардың білім мен технология саласындағы мүмкіндіктерін кеңейтуге бағытталған тарихи жобаның бір бөлшегі болғанына ризашылығын білдірді.

Калифорния штатында орналасқан Figure AI робототехника стартапы 2025 жылдың қазан айында Figure 03-ті таныстырған. Бұл үшінші буын адам тәріздес робот кір жуу, үй жинау, ыдыс жуу сияқты тұрмыстық жұмыстарда көмекші ретінде пайдалануға арналған.

Айта кетейік, бұған дейін Мелания Трамп БҰҰ Қауіпсіздік Кеңесінің отырысын өткізген болатын.