Түркия Республикасының Отбасы және әлеуметтік қызметтер министрлігі балаларды әлеуметтік желілердің зиянды әсерінен қорғауға бағытталған жаңа шараларды әзірлеп жатыр.

Министрлік мәліметінше, тиісті заңнамалық түзетулер қабылданған жағдайда, елде балалардың интернеттегі белсенділігін шектеуге бағытталған жаңа ереже енгізілуі мүмкін.

Жоспарланып отырған өзгерістерге сәйкес, 15 жасқа толмаған балаларға ата-анасының рұқсаты болған күннің өзінде әлеуметтік желілерде аккаунт ашуға тыйым салынбақ. Ал балаларға тек жас ерекшелігіне сай онлайн ойындар мен платформаларды пайдалануға рұқсат етіледі.

Айта кетейік, бұл бастама әзірге заң жүзінде бекітілмеген. Құжат тиісті органдардың қарауында, ал түпкілікті шешім заң қабылданғаннан кейін белгілі болады.