Франция президенті Эммануэль Макрон 15 жасқа дейінгі балалардың әлеуметтік желілерді қолдануына тыйым салу заңын қыркүйек айына дейін қабылдауды жоспарлап отыр. Бұл шараның мақсаты — жасөспірімдерді цифрлық платформалардың зиянды әсерінен қорғау.

Азық-түлік қауіпсіздігі және қоршаған орта агенттігінің деректеріне сәйкес, Франциядағы әрбір екінші жасөспірім күніне 2–5 сағат смартфон қолданады, ал 12–17 жас аралығындағы жастардың 58%-ы әлеуметтік желілерді тұрақты пайдаланады. Тыйым 15 жасқа дейінгі балаларға арналған әлеуметтік желілер мен орта мектептерде ұялы телефондарды қолдануға қатысты болады.

Заң жобасы Франция Ұлттық жиналысында алғашқы оқылымда 26 қаңтарда қаралады. Айта кетейік, әлемде алғаш болып балаларға әлеуметтік желілерді пайдалануға тыйым салған ел — Австралия.