Ресей аумағында Қазақстанның екі азаматының мәйіті табылды. Қайғылы жағдай Череповец металлургиялық комбинатының өндірістік алаңында болған. Аталған кәсіпорын - «Северсталь» компаниясының негізгі активтерінің бірі.
Компанияның ресми хабарламасына сәйкес, 14 қаңтар күні комбинат аумағынан мердігер ұйымдарда жұмыс істеген, Қазақстан азаматтығы бар екі қызметкердің өлі денесі табылған.
– Қазіргі уақытта өлімнің себептері анықталып жатыр. Оқиға орнында арнайы мамандар жұмыс істеуде. Қайтыс болған қызметкерлердің жақындарына көңіл айтамыз, – делінген «Северсталь» таратқан мәлімдемеде.
Ресей Федерациясы Тергеу комитетінің Вологда облысы бойынша басқармасы да бұл ақпаратты растады. Ведомство мәліметінше, оқиға орнына жедел-тергеу тобы жіберілген. Қайғылы жағдайдың нақты мән-жайы анықталып жатыр.
Қос азаматтың қазасына не себеп болғаны әзірге ресми түрде жарияланған жоқ.
Санаттар
DALAMEDIA admin
