Қазақстанның Энергетика министрлігі Өзбекстандағы Ферғана мұнай өңдеу зауытында қазақстандық мұнайдан авиациялық отын өндіріліп жатқаны туралы ақпаратты ресми түрде жоққа шығарды.

Бұған дейін бірқатар бұқаралық ақпарат құралдарында Ферғана мұнай өңдеу зауытында қазақстандық мұнай негізінде авиакеросин өндіру басталғаны жөнінде мәлімет тараған болатын. Алайда министрлік бұл ақпараттың шындыққа жанаспайтынын мәлімдеді.

Ведомствоның хабарлауынша, «ҚазТрансОйл» компаниясы арқылы қазақстандық мұнайды Ферғана мұнай өңдеу зауытына жеткізу жүзеге асырылып жатқан жоқ. Қазіргі уақытта аталған зауытқа Қазақстан мұнайы магистральдық құбыр жүйесімен тасымалданбайды.

Осыған байланысты Энергетика министрлігі БАҚ өкілдері мен жұртшылықты тек ресми дереккөздерге сүйенуге шақырды.