Мемлекет басшысы Қасым-Жомарт Тоқаев Ресей Федерациясының президенті Владимир Путинмен кездесті. Кездесу Санкт-Петербургте өтті.
Президент өткен жаңа жыл қарсаңындағы кездесудің нәтижелі болғанын атап өтіп, Ресей басшысына алғыс білдірді. Оның айтуынша, сол жолы Еуразиялық экономикалық одақ пен ТМД аясындағы өзекті мәселелер қарастырылып, бірқатар маңызды шешім қабылданған.
Қасым-Жомарт Тоқаев Қазақстанның Ресеймен стратегиялық серіктестік пен одақтастық байланыстарға ерекше мән беретінін жеткізді. Мемлекет басшысы екі ел азаматтарының күнделікті тұрмысына қатысты мәселелерде бірлескен іс-қимылдың маңызын атап өтті.
Ал Владимир Путин Қазақстан мен Ресей арасындағы қарым-қатынастың тұрақты әрі оң бағытта дамып келе жатқанын айтты. Оның сөзінше, екі ел арасында шешілмеген немесе түйткілді мәселе жоқ.
DALAMEDIA admin
Бүгін, 19:01
Әлем