Қазақстандық боксшы Геннадий Головкин футбол жұлдызы Криштиану Роналдумен кездесіп, қысқа әңгімеден үзіндіні Instagram парақшасында жариялады.
Видеода Криштиану Роналду Головкинді жылы қарсы алып, оны көргеніне қуанышты екенін айтады. Әңгіме барысында қазақстандық спортшы келесі жылы тағы бір жекпе-жек өткізуі мүмкін екенін жоққа шығармайтынын жеткізген.
Қазір 43 жастағы Геннадий Головкин мансабын ресми түрде аяқтаған жоқ. Ол бұған дейін қызықты ұсыныс түссе, қайтадан рингке шығуға дайын екенін мәлімдеген болатын. Кездесу соңында Роналду Головкинді Жаңа жылмен құттықтап, сәттілік тіледі.
Айта кетейік, Головкин мен Роналду бір-біріне бұрыннан таныс. 2020 жылы олар бірге жаттығып, тәжірибе алмасқан. Қазіргі уақытта екеуі де Эр-Рияд қаласында жүр. Криштиану Роналду Сауд Арабиясының «Аль-Наср» клубында өнер көрсетсе, World Boxing халықаралық федерациясының президенті Геннадий Головкин ірі бокс кештерінің біріне арнайы барған.
DALAMEDIA admin
Бүгін, 19:01
Әлем