Иран Израильдің солтүстігіне қарай зымыран ұшырды. Израиль тарапы барлық нысананы дер кезінде анықтап, әуеде жойғанын мәлімдеді. Қаза тапқандар мен зардап шеккендер тіркелмеген ,-деп хабарлайды «Dalamedia» ақпараттық порталы.

Израиль тарапының мәліметінше, әуе қорғаныс жүйелері іске қосылып, қауіптің алдын алған. Оқиғадан кейін ел аумағында жағдай бақылауда екені айтылды.

Иран Ислам революциясы сақшылар корпусы бұл шабуылды Израильдің Ливанда жасаған соңғы әуе соққыларына жауап ретінде түсіндірді. Сондай-ақ олар Израиль әскерін Ливанның оңтүстігі мен Дахия ауданындағы операцияларды тоқтатуға шақырды.

Бұған дейін Израиль әскері Дахия аймағына соққы жасаған болатын. Салдарынан екі адам қаза тауып, 11 адам жараланғаны хабарланды. Израиль тарапы бұл соққыларды «Хезболла» нысандарына бағытталған әскери операция ретінде сипаттады.

Қазіргі таңда тараптар арасындағы жағдай шиеленіскен күйде қалып отыр.