Ресей президенті Владимир Путин Қытай төрағасы Си Цзиньпинмен келіссөз жүргізу үшін ресми сапармен Бейжіңге барды, ,-деп хабарлайды «Dalamedia» ақпараттық порталы.

Әуежайда оны Қытайдың Сыртқы істер министрі Ван И қарсы алды. Сондай-ақ Ресей басшысы үшін құрмет қарауылы сап түзеп, салтанатты қарсы алу рәсімі ұйымдастырылды.

Путин Бейжіңге келгеннен кейін шетелдік көшбасшылар қабылданатын «Дяоюйтай» мемлекеттік резиденциясына орналасты.

Бұл сапар Ресей мен Қытай арасындағы тату көршілік, достық және ынтымақтастық туралы келісімнің 25 жылдығына орай ұйымдастырылып отыр.

Мәскеу мен Бейжің арасындағы негізгі келіссөздер 20 мамырға жоспарланған. Кездесу барысында тараптар екіжақты ынтымақтастық мәселелерін талқылап, бірнеше жоғары деңгейдегі кездесу өткізеді деп күтілуде.

Айта кетейік, Владимир Путин 28-29 мамыр күндері ресми сапармен Қазақстанға келеді.