Transfermarkt порталы қазақ футболшыларының нарықтағы құнына қатысты жаңартылған деректерін жариялады. Соңғы бір жылда ұлттық құрама ойыншыларының бағасы едәуір өсім көрсеткен.

Ұлттық құраманың шабуылшысы Ғалымжан Кенжебек ең үлкен өсім тіркеген футболшы атанды. Оның трансферлік құны бір жыл ішінде 375 мың еуродан 600 мың еуроға дейін көтеріліп, өсім көрсеткіші 166 пайызды құрады.

Екінші орында Ресейдің «Ахмат» клубының ойыншысы Максим Самородов тұр. Футболшының бағасы 1,3 млн еуродан 2,5 млн еуроға дейін өсіп, 108 пайыздық өсім тіркелді.

Үздік үштікті семейлік «Елімай» клубының орталық қорғаушысы Әділбек Жұмаханов түйіндеді. Қорғаушының нарықтағы құны 250 мың еуродан 600 мың еуроға дейін көтерілген.

Сонымен қатар, биыл ғана Transfermarkt тізіміне енген 17 жастағы Дастан Сәтбаев бірден 3 млн еуроға бағаланып отыр. Бұл көрсеткіш жас футболшыға артылған үлкен сенімді аңғартады.