Орта салмақтағы IBF және WBO белбеулерінің иегері Жәнібек Әлімханұлы VADA тестінде мелдонийге «оң нәтиже» көрсеткен. Бұл туралы The Ring басылымы хабарлады.

Осыған байланысты 7 желтоқсанда кубалық Эрисланди Ларамен жоспарланған үш белбеу үшін біріккен жекпе-жектің өтпеу мүмкіндігі бар. Мелдоний 2016 жылдан бері WADA тыйым салған препарат, ол төзімділікті арттырып, қалпына келуді жылдамдатады.

Әлімханұлы (17-0, 12 КО) қазіргі уақытта The Ring рейтингінде орта салмақта №1 боксшы болып саналады. Ал 42 жастағы Лара (31-3-3, 19 КО) соңғы рет 2024 жылғы қыркүйекте жекпе-жек өткізген. Оның командасы жекпе-жек тағдырына байланысты басқа қарсыласпен белбеуін қорғау мүмкіндігін де қарастыруда.