Каспий теңізінің жағалауында Төтенше жағдайлар департаменті қызметкерлері мен олардың отбасына арналған «112 Resort Aktau» кешенінің құрылысы жүріп жатыр, ,-деп хабарлайды «Dalamedia» ақпараттық порталы.

Жоба аясында бірінші кезеңде әкімшілік ғимарат, капсулалық үйлер, бассейндер, спорт алаңдары мен серуендеу аймақтары қарастырылған. Кейінірек қонақ үй, SPA-орталық, теннис корты, пирс және дәмхана салу жоспарланған.

Төтенше жағдайлар министрі Шыңғыс Әріновтің айтуынша, құтқарушылар тәулік бойы жұмыс істеп, ауыр жағдайда қызмет атқарады. Сондықтан олардың толық демалып, отбасымен уақыт өткізуіне жағдай жасау маңызды.