Қазақстанның Тұңғыш Президенті Нұрсұлтан Назарбаев Өзбекстан Республикасының Президенті Шавкат Мирзиёевпен телефон арқылы байланысқа шықты.

Өзбекстан тарапының хабарлауынша, әңгіме барысында тараптар бір-бірін алдағы Жаңа жылмен құттықтап, екі ел халықтарына бейбітшілік, тұрақтылық пен молшылық тіледі.

Сондай-ақ Қазақстан мен Өзбекстан арасындағы қарым-қатынастың жоғары деңгейі атап өтілді. Атап айтқанда, тату көршілік пен стратегиялық әріптестікке негізделген екіжақты байланыстардың нығайып келе жатқаны және түрлі бағыттағы ынтымақтастықтың дамуы сөз болды.