Кездесу КӘЫК келісімінің 10 жылдығымен тұспа-тұс өтіп, тараптар стратегиялық серіктестіктің нәтижелерін қорытындылады. ЕО Қазақстанның ең ірі сауда және инвестициялық серіктесі болып қала береді: 2024 жылы өзара сауда айналымы 50 млрд долларға жуықтап, еуропалық инвестициялардың жиынтық көлемі 200 млрд долларға жетті.
Тараптар «Орта дәліздің» стратегиялық маңызын атап өтіп, көлік және логистика саласындағы ынтымақтастықты тереңдетуге ниет білдірді. Сондай-ақ «жасыл» және цифрлық трансформация, парламенттік байланыстар мен гуманитарлық серіктестік талқыланды.
ЕО-ның жоғары өкілі Кая Каллас визалық рәсімдер айтарлықтай жеңілдейтінін айтты: құжаттар саны, өңдеу уақыты және төлемдер қысқарады. Бұл студенттер, зерттеушілер және кәсіпқойлар үшін жаңа мүмкіндік береді.
Тараптар саяси диалогты, сауда-экономикалық және гуманитарлық ынтымақтастықты одан әрі нығайтуға келісім білдірді.
DALAMEDIA admin
4
0