Астанада Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің қатысуымен Сауда-экономикалық ынтымақтастық жөніндегі жол картасына қол қою рәсімі өтті, -деп хабарлайды «Dalamedia» ақпараттық порталы.

Құжат екі ел арасындағы ынтымақтастықты одан әрі нығайтуға бағытталған. Бұл бастама Қазақстан Президентінің 2025 жылғы 14-15 қарашада Өзбекстанға жасаған мемлекеттік сапары кезінде қол жеткізілген келісімдердің жалғасы саналады.

Жол картасына өнеркәсіп, мұнай-химия, логистика, металлургия, агроөнеркәсіп, туризм және жасыл энергетика салаларындағы бірлескен жобалар енгізілген. Аталған бағыттардағы жұмыстар Қазақстан мен Өзбекстан арасындағы сауда-экономикалық байланысты жаңа деңгейге көтеруге мүмкіндік береді.