Қазақстан мен Моңғолия арасындағы әуе қатынасы жаңа деңгейге көтеріледі. Премьер-министрдің орынбасары Серік Жұманғарин Астана – Ұлан-Батыр бағытында тікелей әуе рейсі ашылатынын мәлімдеді, — деп хабарлайды «Dalamedia» ақпараттық порталы.

Жаңа рейс екі ел арасындағы байланыстарды нығайтып, жолаушылар ағынын арттыруға мүмкіндік береді. Бұл бастама Қазақстан мен Моңғолия арасындағы сауда-экономикалық және гуманитарлық қарым-қатынасты дамытуға серпін береді.

Айта кетейік, соңғы жылдары Қазақстан мен Моңғолия арасында әуе қатынасын кеңейту мәселесі бірнеше рет көтерілген. Астана – Ұлан-Батыр бағыты екі ел арасындағы негізгі логистикалық көпірдің бірі ретінде қарастырылып келеді.

Рейстің нақты іске қосылу мерзімі мен ұшу кестесі әлі жарияланған жоқ.