Мемлекет басшысы Қасым-Жомарт Тоқаев Қытай Халық Республикасының Шаньси өлкесіндегі көмір шахтасында болған газ жарылысына байланысты ҚХР Төрағасы Си Цзиньпинге көңіл айту жеделхатын жолдады, ,-деп хабарлайды «Dalamedia» ақпараттық порталы.

Жеделхатта Президент қайғылы оқиға салдарынан көптеген адамның қаза тапқаны туралы хабарды терең күйзеліспен қабылдағанын атап өткен.

Қасым-Жомарт Тоқаев марқұмдардың туған-туыстары мен жақындарына көңіл айтып, осы ауыр сәтте барша Қытай халқымен бірге екенін жеткізді.

Сонымен қатар Мемлекет басшысы апат кезінде жарақат алған азаматтардың тезірек сауығып кетуіне тілектестік білдіріп, оларға күш-қуат пен сабыр тіледі.