Шығыс Қазақстан облысындағы Артемьев шахтасында қайғылы жағдай болып, бір адам көз жұмды, — деп хабарлайды «Dalamedia » ақпараттық порталы.

Оқиға жер астындағы жұмыстар кезінде болған. Алдын ала мәлімет бойынша, жұмыс барысында тау жынысы опырылып түскен. Салдарынан шахта қызметкері ауыр жарақат алып, оқиға орнында қаза тапқан.

Қазір арнайы комиссия құрылып, қайғылы жағдайдың неден болғаны анықталып жатыр. Оқиғаға қатысты тиісті тексеру жұмыстары басталған.

Марқұмның отбасы мен жақындарына қажетті көмек көрсетілетіні айтылды.