Абай облысындағы Орлов шахтасында тас құлап, бір қызметкер қаза тапты. Тағы бір жұмысшы жарақат алып, ауруханаға жеткізілді,-деп хабарлайды «Dalamedia» ақпараттық порталы.

KAZ Minerals компаниясының мәліметінше, оқиға "Шығыстүстімет" ЖШС-не қарасты Орлов шахтасында болған. Құлаған тастың астында қалған қызметкер оқиға орнында көз жұмды. Жараланған екінші жұмысшыға дәрігерлер көмек көрсетіп жатыр.

Апаттың себебін анықтау үшін арнайы комиссия құрылып, тексеру басталды.

Компания қаза тапқан қызметкердің отбасына көңіл айтып, барлық қажетті қолдау көрсетілетінін хабарлады.

Айта кетейік, 2026 жылдың наурызында да Абай облысындағы KAZ Minerals-қа тиесілі басқа шахтада жұмысшы қайтыс болған еді.