Руслан Желдібай Қазақстан Республикасы Президентінің штаттан тыс кеңесшісі болып тағайындалды, ,-деп хабарлайды «Dalamedia» ақпараттық порталы.

Ол бұған дейін Қазақстан Республикасы Президентінің көмекшісі – баспасөз хатшысы қызметін атқарған. 2026 жылдың қаңтарында аталған лауазымнан босатылып, оның орнына Айбек Смадияров тағайындалған еді.

Руслан Желдібай әр жылдары Президент кеңесшісі, Президенттің баспасөз хатшысы, Президенттің ішкі саясат және коммуникациялар мәселелері жөніндегі көмекшісі, сондай-ақ Президент Әкімшілігі басшысының орынбасары қызметтерін атқарды.

Руслан Желдібай 1989 жылы Жамбыл облысында дүниеге келген. Тұрар Рысқұлов атындағы Қазақ экономикалық университетін тәмамдаған. Кейін «Болашақ» халықаралық бағдарламасы аясында Ұлыбританиядағы Уорик университетінде магистр дәрежесін алған.

Бұған дейін ол Мемлекет басшысы жүктеген міндеттерді абыроймен атқаруға бар күш-жігерін салғанын айтып, қолға алынған бастамалар мен қабылданған шешімдердің ел игілігіне қызмет ететініне сенім білдірген болатын.