Райымбек Баталов Қазақстан Республикасының Президентіне кәсіпкерлікті дамыту мәселелері бойынша штаттан тыс кеңесші болып тағайындалды. Бұл туралы Ақорданың баспасөз қызметі хабарлады.
Айта кету керек, Райымбек Баталов бұған дейін «Атамекен» ұлттық кәсіпкерлер палатасының басқарма төрағасы қызметін атқарған.
23 қаңтар күні өткен «Атамекен» ұлттық кәсіпкерлер палатасының XIII съезінде президиум төрағасы болып Қанат Шарлапаев сайланды.
Қанат Шарлапаев әр жылдары өнеркәсіп министрі, сондай-ақ Қазақстан Президентінің көмекшісі қызметтерін атқарған. Ол бұл лауазымда 2022 жылдан бері ұлттық палатаны басқарған Райымбек Баталовтың орнына келді.