Қасым-Жомарт Тоқаев пен Өзбекстан Президенті Шавкат Мирзиёев Түркістанда бой көтерген жаңа мешітке барып, нысанның жұмысымен танысты, Қазақстан мен Өзбекстан арасындағы бауырластық пен рухани байланыстың белгісі саналатын құлшылық орнын бірге аралады,-деп хабарлайды «Dalamedia» ақпараттық порталы.

Қасиетті ғимараттың орталық залында Құран оқылып, қос халық арасындағы рухани сабақтастық айрықша атап өтілді. Мешіт Өзбекстан Президентінің Түркістан жұртшылығына және жалпы қазақстандықтарға жасаған тартуы ретінде салынған.

Сәулеті дәстүрлі ислам үлгісі мен заманауи құрылыс тәсілдерін ұштастырған. Ішкі және сыртқы әрлеуінде ұлттық ою-өрнектер мен ислам каллиграфиясы кеңінен қолданылған. Мұнаралары 61 метр биіктікке көтерілген. Сонымен қатар, ғимарат заманауи инженерлік жүйелермен жабдықталып, аумағында жарықтандыру, демалыс аймақтары мен субұрқақтар қарастырылған.