Қазақстанда «Құрылтай және оның депутаттарының мәртебесі туралы» конституциялық заң жобасы аясында депутаттардың әдеп нормалары айқындалып отыр, -деп хабарлайды «Dalamedia» ақпараттық порталы.

Жаңа құжатқа сәйкес, Құрылтай мінберінде халық қалаулылары жеке мәселелерді көтермеуі тиіс. Сондай-ақ әріптестерінің сөзін бөлуге, негізсіз айып тағуға немесе пікірталас кезінде орынсыз мінез көрсетуге тыйым салынады.

Бұдан бөлек, депутаттарға дөрекі сөйлеу, ар-намысқа тиетін сөздер айту, балағат пен қорлауға жол беру қатаң шектеледі. Жалған ақпарат таратуға және қоғамды жаңылыстыратын мәлімет айтуға да рұқсат жоқ. Сонымен қатар азаматтардың беделіне нұқсан келтіретін сөз қолдануға болмайды.

Осы өзгерістерге байланысты қазіргі Мәжіліс депутаттарының пікірлері де әртүрлі.