Таяу Шығыстағы жағдайдың ушығуына байланысты Қазақстан мен Иран арасындағы бірқатар экономикалық келісімдер уақытша тоқтап тұр,-деп хабарлайды «Dalamedia» ақпараттық порталы.

Сенаттағы брифингте сыртқы істер вице-министрі Арман Исетов қазіргі таңда қазақстандық кәсіпкерлердің күту режиміне көшкенін айтты. Оның сөзінше, бұған дейін жүзеге асқан астық жеткізу мен азық-түлік алмасу жобалары уақытша тоқтауы мүмкін.

Сонымен қатар вице-министр Иранмен әріптестік жақсы жолға қойылғанын атап өтті. Алайда инвестиция көлемі аса үлкен болмағандықтан, қалыптасқан жағдайдың экономикалық шығыны айтарлықтай емес екенін жеткізді.