Таяу Шығыста қалып қойған қазақстандықтар елге оралды,-деп хабарлайды «Dalamedia» ақпараттық порталы.

Таяу Шығыстағы ахуалға байланысты Дубайда уақытша қалып қойған қазақстандық азаматтар 3 наурыз түнінде елге жеткізілді. FZ1533 рейсі Дубайдан Алматыға, ал FZ1395 рейсі Дубайдан Астанаға ұшып, әр рейсте 170 жолаушыны қабылдады.

Әуекомпания өкілдерінің хабарлауынша, барлық жолаушылар қауіпсіз түрде елге оралды және қажетті қолдау көрсетілді. Қазақстандықтар елге қайтарылуы барысында жағдай мұқият қадағаланған, рейстер жоспар бойынша дер кезінде жүзеге асырылған.

Бұл шара Таяу Шығыстағы тұрақсыз ахуалға байланысты уақытша қалып қойған азаматтарды қауіпсіз елге жеткізу мақсатында ұйымдастырылды.