Мемлекет басшысы Құрылтай сайлауының өтетін уақытын жария етті,-деп хабарлайды «Dalamedia» ақпараттық порталы.

Президент Қасым-Жомарт Тоқаев ғалымдарды марапаттау рәсімінде Конституция күшіне енгеннен кейін бір палаталы Құрылтай сайлауын өткізу туралы Жарлыққа қол қоятынын айтты. Оның сөзінше, саяси науқан биыл тамыз айына жоспарланып отыр.

Мемлекет басшысы бұл шешімнің алдын ала айтылуы партиялардың сайлауалды дайындық жұмыстарын жүйелі жүргізуі үшін қажет екенін атап өтті. Осы мақсатта оларға шамамен бес ай уақыт берілмек.

Сонымен қатар Құрылтай сайлауы елдің саяси жүйесін жаңғыртуға жол ашып, қолға алынған реформалардың жүзеге асуына ықпал ететіні айтылды.