Апат әл-Фараби даңғылы бойында тіркелген. Zeekr көлігі қарсы бағытқа шығып кетіп, Mercedes-пен бетпе-бет соқтығысқан. Салдарынан жеңіл көлікте отырған 29 жастағы жүргізуші мен екі жолаушы қыз оқиға орнында көз жұмған.

Жол талғамайтын көлікті басқарған 32 жастағы ер адам ауыр жарақат алған. Ашық деректерге сүйенсек, оның атына екі компания тіркелген, соның бірінде ірі қаржылық айналымы бар көрінеді.
Куәгерлердің айтуынша, апат болған сәтте көлік жарысқа түскен болуы мүмкін. Бұл жайт тергеу барысында ескерілуі ықтимал.

Қазіргі уақытта оқиғаға байланысты тексеру жүргізіліп жатыр. Қолданыстағы заңнамаға сәйкес, мұндай жол апаты үшін 5 жылдан 10 жылға дейін бас бостандығынан айыру жазасы қарастырылған.