Қазақстанда онлайн-казиноның пайдасына бағытталған ірі көлемді қаржы айналымы әшкереленді. Тергеу мәліметінше, көлеңкелі схема төлем ұйымдары арқылы заңды операция ретінде рәсімделіп, шетелдік платформаларға қаражат аударумен жүзеге асқан.

Ұйымдастырушылар финтех-сервистерді, “сұр” POS-терминалдар мен жалған келісімшарт негізінде алынған Terminal ID-ларды қолданған. Қазіргі уақытта анықталған заңсыз операциялар көлемі 600 млрд теңгеден асып отыр. Іс бойынша 20-дан астам төлем ұйымы мен бірқатар банк қызметкерінің қатысы тексерілуде.

Сонымен бірге төрт онлайн-казиноға қолдау көрсеткен call-орталықтың жұмысы тоқтатылды. Оның құрамында бес елдің 120 азаматы жұмыс істеген. Тергеу барысында криптовалютамен жұмыс істейтін серіктестік бағдарламасы да анықталды, оның айналымы 200 млн USDT-тен асқан.

Жалпы 70-тен астам тінту жүргізіліп, айғақтар тәркіленді. Сот санкциясымен тоғыз күдікті қамауға алынды. Тағы сегіз адамға халықаралық іздеу жариялау мәселесі қаралып жатыр.