2023 жылғы наурызда Сырым ауданында Жымпиты ауылындағы жолдарды жөндеу үшін мемлекеттік сатып алу қорытындысы бойынша 259 млн теңгеге келісімшарт жасалған. Тергеу барысында мердігер Сапак өндірістік кооперативінің директоры мен Ак-Би ЖШС басшысының алдын ала сөз байласқаны, сеніп тапсырылған қаражатты иемденудің жасырын схемасын ұйымдастырғаны анықталды.
Күдіктілер орындалған жұмыстар актілеріне жалған мәлімет енгізген. Іс жүзінде асфальт төсеу, жер қазу, бетондау және су құбырларын тарту жұмыстары толық көлемде жасалмаған. Жалған актілер негізінде бюджет қаражаты мердігердің есепшотына аударылып, кейін схемаға қатысушылар арасында бөлінген. Қазіргі уақытта күдіктілерге ешқайда кетпеу және тиісті мінез-құлық туралы қолхат түріндегі бұлтартпау шарасы қолданылып, қылмыстық іс сотқа жолданды.
DALAMEDIA admin
11
0