Іс материалдарына сәйкес, жанжал үстінде әйел күйеуіне пышақ жарақатын салған. Кеуде тұсынан тиген соққы жүрекке өтіп, ер адам сол жерде жан тапсырған. Айыпталушы Ксения Седова жеті ай бойы тергеу изоляторында отырған. Сараптама қорытындысы марқұмның мас күйде болғанын көрсетті — оның қанынан 4,58 промилле алкоголь анықталған.

Сот барысында іс бойынша үш мәрте сараптама жасалып, әйелдің әрекеті қатты күйзеліс үстінде жасалғаны дәлелденді. Осыған байланысты айып «Адам өлтіру» бабынан Қылмыстық кодекстің 101-бабына өзгертілді. «Рақымшылық туралы» заң қолданылып, Ксения Седова жазадан босатылып, сот залынан еркіндікке шықты.