Ведомствоның мәліметінше, Маңғыстау облысы ПД бастығы Сағындық Аяғанов өзі бастама көтеріп, ІІМ мен тиісті мемлекеттік органдарға желіде тараған анонимді хаттағы деректерді жан-жақты тексеруді сұрап ресми хат жолдаған.

 “Департамент бастығы ақпараттың ашық әрі объективті тексерілуі үшін комиссия құрамына мәслихат өкілдері мен қоғамдық бақылау институттарын да қосуды ұсынды”, – деп мәлімдеді Маңғыстау ПД.

Полиция өкілдері Қылмыстық кодекстің 274-бабына сәйкес, жалған ақпарат таратқандарға қылмыстық жауапкершілік қарастырылатынын да еске салды.