Қызылорда облысы бойынша ҚМА департаменті көлік прокуратурасының үйлестіруімен «СПК Қызылорда Балық» ЖШС басшылығына қатысты тергеуді аяқтады.

2022 жылы кәсіпорынның лауазымды тұлғалары кеден органдарына жалған мәліметтер ұсынып, құны 254 миллион теңге болатын 75 тоннадан астам көк серке етін Еуропалық одақ елдеріне заңсыз экспорттаған.

Тергеу барысында анықталғандай, балық өнімдерінің заңды шығу тегін көрсету мақсатында кәсіпорын шын мәнінде балық өсіру немесе ұстау жағдайлары болмаған тұлғалар мен шаруашылықтардан балық сатып алынғаны жөнінде жалған құжаттар ресімдеген. Сонымен қатар, көрсетілген су айдындары кеуіп қалған, жүк көліктері тасымалдау қызметін іс жүзінде атқармаған, тоңазытқыш жабдықтармен қамтамасыз етілмеген. Жалған шот-фактуралар мен ветеринарлық анықтамалар да қолданылғаны дәлелденді.

Сот үкімімен кәсіпорынның құрылтайшысы А. Ерхатов пен директоры Л. Қайыпназарова кінәлі деп танылып, 2 жыл мерзімге бас бостандығын шектеу жазасына кесілді. Мемлекет пайдасына 254 млн теңге көлеміндегі заңсыз табыс өндірілді.

Сот үкімі әлі заңды күшіне енген жоқ.