Қазақстанға келген ресейлік екі турист мейрамханада қымыз ішкеннен кейін ауыр аллергиялық реакцияға тап болды. Апалы-сіңілі Ярослава мен Рената ұлттық сусыннан бірнеше жұтым ішкен соң, беттері ісініп, тамақтары ауырып, тыныс алуы қиындаған, — деп хабарлайды «Dalamedia» ақпараттық порталы.

Куәгерлер дереу жедел жәрдем шақырған. Дәрігерлер қыздардан Квинке ісінуінің белгілерін байқап, жағдайы асқынып кетпей тұрып медициналық көмек көрсеткен.

Апалы-сіңілі кейін жақын маңдағы дәріханаға барып, антигистаминдік дәрі қабылдаған. Ярославаның жағдайы көп ұзамай жақсарғанымен, Ренатаның денесіне бөртпе шығып, тыныс алуы одан әрі қиындаған. Оған жедел медициналық көмек қажет болған.

Қыздардың айтуынша, бұған дейін басқа ашытылған сүт өнімдерін тұтынған кезде мұндай аллергиялық реакция байқалмаған. Дәрігерлер оларға бірнеше күн бойы антигистаминдік дәрі қабылдауды ұсынған.