Астана қаласының Байқоңыр ауданында орналасқан қатты тұрмыстық қалдықтар полигонындағы өртті сөндіру жұмыстары үшінші тәулік бойы үздіксіз жалғасуда, деп хабарлайды «Dalamedia» ақпараттық порталы.
Оқиға орнында 120 құтқарушы мен 150 бірлік арнайы техника жұмылдырылған. Өртті жедел оқшаулау мақсатында екі жұмыс учаскесі ұйымдастырылып, негізгі күштер сол жерлерге бағытталған.
Сонымен қатар, өрт ошақтарын оқшаулап, жалынның таралуына жол бермеу үшін полигонға инертті материал төселіп жатыр. Қазіргі уақытқа дейін 14,85 мың тонна инертті материал жеткізілген.
Өртті сөндіру жұмыстарына қою түтін мен бос жатқан тұрмыстық қалдықтар кедергі келтіруде. Соған қарамастан, өрт сөндіру автоцистерналары мен су таситын көліктер арқылы су үздіксіз жеткізіліп, мамандар тәулік бойы жұмысын жалғастыруда.
DALAMEDIA admin
10
0