Алматы қаласында Солтүстік айналма тас жолы бойында орналасқан қоймада өрт шықты. Оқиға орнына өрт сөндіру қызметі күшейтілген шақырту деңгейі бойынша жіберілді.

Тілсіз жаумен күрес барысында үш жауынгерлік учаске ұйымдастырылып, барлығы 85 құтқарушы мен 22 техника бірлігі жұмылдырылды. Олардың қатарында Төтенше жағдайлар министрлігінің автопойызы да болды.

Өртті сөндіру жұмыстары ғимараттың құрылымдық ерекшеліктері мен жоғары өрт жүктемесіне байланысты күрделене түсті. Соған қарамастан, жалынның көршілес нысандарға таралуына жол берілген жоқ.

Алдын ала мәлімет бойынша, өрттің жалпы аумағы 1900 шаршы метрді құрады.