Алматы облысында аудандық полиция бөлімі бастығының орынбасары әйелінің қазасына байланысты күдікке ілінді,-деп хабарлайды «Dalamedia» ақпараттық порталы.

Оқиға 16 мамыр күні Балқаш ауданына қарасты Бақбақты ауылы маңындағы тасжолда болған. Алдын ала мәлімет бойынша, ерлі-зайыпты арасында жанжал туындап, ер адам әйелін жол бойына түсіріп кеткен.

Кейін күдікті көлікпен қайта оралып, әйелді қағып кеткені айтылып отыр. Ауыр соққыдан әйел оқиға орнында көз жұмған.

Осы іске байланысты Балқаш аудандық полиция бөлімі бастығының орынбасары Бауыржан Қабдылданов уақытша ұстау изоляторына қамалды.

Қазір аталған дерек бойынша тергеу жүргізіліп, оқиғаның барлық мән-жайы анықталып жатыр.