Астанада көпқабатты тұрғын үйде өрт шығып, салдарынан үш бала көз жұмды,-деп хабарлайды «Dalamedia» ақпараттық порталы.

Оқиға орнына құтқарушылар жедел жеткен. Олардың мәліметінше, жалын пәтерді толық шарпып, қатты өршіген. Өртті сөндіру кезінде күйік шалған әйел құтқарылып, жедел жәрдем қызметіне тапсырылған. Ол №1 көпсалалы қалалық ауруханаға жеткізілді.

Оқиға орнынан кәмелетке толмаған үш баланың денесі табылған.

Құтқарушылар жоғарғы қабаттардан 20 тұрғынды эвакуациялап, тағы 40-қа жуық адам ғимараттан өз бетінше шығып үлгерген. Өрт толық сөндірілді. Қазір таңда оқиғаның шығу себебі анықталып жатыр.