Салтанатты кеш қаладағы ең таңдаулы мейрамханалардың бірінде өтіп, 600-ден астам қонақ жиналды. Тойды түсіруге 150-ге жуық мобилограф тартылып, YouTube арқылы өткен тікелей эфирді 450 мыңнан астам көрермен тамашалады.

Жас жұбайлар Қазбек пен Асылдың неке қию рәсімі той басталмай тұрып өтіп, оларға неке куәлігін журналист Анна Данченко табыстады. Одан кейін қалыңдықты ортаға әншілер Қарақат Әбілдина мен Бейбіт Сейдуалиева алып шығып, дәстүрлі беташар жасалды. Рәсімді Жандарбек Бұлғақов пен Сырым Әуезхан жүргізіп, ақ батаны белгілі өнер қайраткері Алтынбек Қоразбаев берді.

Тойға отандық эстраданың бірқатар танымал өкілдері жиналды. Кеш барысында қонақтар жас жұбайларға арнап ән шырқап, өнер көрсетті.

Тойдың есте қалған сәті – қонақтар арасында автокөлік ойнатылып, бас жүлде иесін тапты.