Алматыда белгісіз ер адам 12 жастағы жасөспірімге шабуыл жасап, қолындағы гитарасын тартып алған, — деп хабарлайды «Dalamedia» ақпараттық порталы.

Қазіргі уақытта күдікті іздестіріліп жатыр. Qumash Telegram арнасында жарияланған видео арқылы оқиға көпшілікке мәлім болды.

Баланың анасының айтуынша, шабуыл жасаған адамның қолында пышақ болған. Жасөспірімнің айқайын естіген дүкен сатушысы сыртқа жүгіріп шыққанымен, ер адам гитараны тастап, оқиға орнынан қашып кеткен.

Анасы бастапқыда дәлел жеткіліксіз деп санап, полицияға жүгінбеген. Соған қарамастан, Алматы қалалық полиция департаменті бұл дерек бойынша тексеру жұмыстарын бастағанын мәлімдеді.

Ведомство өкілдерінің айтуынша, қазір оқиғаның барлық мән-жайы анықталып, қатысы бар тұлғалар тексеріліп жатыр. Тексеру қорытындысына сәйкес заң аясында тиісті шешім қабылданады.

Ал қаланың бала құқықтары жөніндегі уәкілі Диана Ерлан жасөспірімнің медициналық көмекке мұқтаж емес екенін айтты. Сондай-ақ, оған психологиялық қолдау ұсынылған