Бұл туралы үкімет отырысында ішкі істер министрі Ержан Сәденов мәлімдеді. Оның айтуынша, амнистия барлық құқықбұзушылыққа бірдей қолданылмайды. Жеңіл сипаттағы, азаматтар мен мемлекет қауіпсіздігіне қауіп төндірмейтін құқықбұзушылық жасағандар ғана осы тізімге ілігуі мүмкін.

Министрдің сөзінше, бұл шара жекелеген қылмыстық және әкімшілік құқықбұзушылықтарға қатысты болуы ықтимал. Яғни қоғамға айтарлықтай зиян келтірмеген азаматтарға жеңілдік жасау көзделіп отыр.

Сонымен қатар амнистияның барлық санатқа бірдей жүрмейтіні де атап өтілді. Белгілі бір құқықбұзушылық түрлері бұл тізімге енбейді. Қандай санаттағы азаматтарға бұл мүмкіндік берілмейтіні нақтылау кезеңінде.