Бас прокуратураның мәліметінше, 2023–2024 жылдары ол ұйымдасқан топ құрамында әлеуметтік желі арқылы азаматтарды «инвестицияға» шақырып, жоғары табысқа кенелеміз деп сендірген. Алайда салынған қаражат уәде етілгендей айналымға түспей, топ мүшелері арасында бөліске түскен.
Осы әрекеттің салдарынан 75 азамат жапа шегіп, жалпы шығын көлемі шамамен 80 миллион теңгеге жеткен.
Бұған дейін аталған топтың төрт мүшесі ұсталып, сот үкімі шыққан. Ал негізгі күдікті халықаралық іздеуде жүріп, 2025 жылдың наурызында Ресей аумағында қолға түскен. Кейін Қазақстан Бас прокуратурасының сұрауы негізінде елге қайтарылды.
Қазір ол тергеу изоляторына қамалды. Заң бойынша күдіктіге 5 жылдан 10 жылға дейін бас бостандығынан айыру жазасы тағайындалып, мүлкі тәркіленуі мүмкін.
DALAMEDIA admin
8
0