Астанадағы сайлау учаскесінде дауыс беру науқаны басталған сәттен бастап қызық жағдайлар байқала бастады, – деп хабарлайды «Dalamedia» ақпараттық порталы.

Учаскеге келгендердің бірі дауыс беруге ерекше киіммен келіп, барша қатысушылардың назарын өзіне аударды. Қыз ақ халат киіп, тәпішке киген, сондай-ақ жанында робот итін ертіп жүрді. Қатысушының бұл ерекше қылығы тек көңіл көтеру үшін емес, азаматтық борышын ерекше тәсілмен орындау мақсатында жасалғаны байқалады.

Айта кетейік, бұл әйел осыған ұқсас стильде бұрынғы референдумға да қатысқан болатын. Ол сол кезде АЭС салу бойынша дауыс беруге келіп, ерекше бейнесімен қатысушылардың назарын аударған еді.

Қатысушылардың айтуынша, мұндай көріністер сайлау учаскесіне келушілердің көңіл-күйін көтеріп, рәсімнің мерекелік сипатқа ие болуына септігін тигізеді. Бұл жағдай адамдардың дауыс беруге деген қызығушылығын арттыра түсуі мүмкін.

Жалпы, бүгін ел бойынша республикалық референдум өтіп жатыр. Әрбір сайлаушы өз таңдауы арқылы Қазақстанның болашағына ықпал ету мүмкіндігіне ие.