Құжатқа сәйкес, мұғалімдер сабақ барысында ChatGPT секілді жасанды интеллект құралдарын қолдана алады. Алайда министрлік бұл технология педагогтің орнын алмастырмайтынын атап өтті.

Әдістемеде жасанды интеллект сабаққа дайындалу, оқу материалдарын бейімдеу және түрлі талдамалық жұмыстар жүргізуде көмекші құрал ретінде пайдаланылатыны айтылған. Ал оқушыларды бағалау мен соңғы шешім қабылдау құқығы толықтай мұғалімнің құзырында қалады.

Сондай-ақ академиялық адалдыққа ерекше мән берілген. Оқушылар жасанды интеллект көмегімен дайындалған жұмыстарды өз еңбегі ретінде ұсына алмайды, ал қажет болған жағдайда мұғалім тапсырманы қайта орындатуға құқылы.