Щучинск қаласындағы кафеде болған жарылыс пен одан кейінгі өрт салдарынан қаза тапқандар саны 8 адамға жетті, – деп хабарлайды «Dalamedia» ақпараттық порталы.

Ауыр күйік алған ер адам алған жарақаттарының салдарынан көз жұмды. Ол Бурабай ауданындағы көпбейінді ауданаралық аурухананың жансақтау бөлімінде ем қабылдап жатқан.

Ақмола облыстық денсаулық сақтау басқармасынің мәліметінше, дәрігерлер бірнеше күн бойы науқастың өмірі үшін күрескен. Алайда көрсетілген барлық медициналық көмектерге қарамастан, оның өмірін сақтап қалу мүмкін болмаған.

Қайғылы оқиғаға байланысты тиісті қызметтер тергеу амалдарын жалғастырып жатыр. Зардап шеккен өзге азаматтарға медициналық көмек көрсетілуде.