Мемлекет басшысы Қасым-Жомарт Тоқаев Орталық референдум комиссиясының төрағасы Нұрлан Әбдіровті қабылдады, – деп хабарлайды «Dalamedia» ақпараттық порталы.

Кездесу барысында Президентке алдағы республикалық референдумды ұйымдастыру және дайындық жұмыстары жөнінде баяндалды.

Қасым-Жомарт Тоқаев референдум өткізу кезінде барлық үдерістің ашық әрі заң талаптарына сай өтуі маңызды екенін атап өтті. Сондай-ақ әрбір азаматтың өз таңдауын жасауына тең мүмкіндік берілуі қажет екеніне ерекше назар аударды.

Мемлекет басшысы референдумды жоғары деңгейде ұйымдастыру – қоғам сенімін қамтамасыз етудің басты шарты екенін айтты.