Ауа райының күрт нашарлауы салдарынан Қостанай облысында автокөліктер қар құрсауында қалды, – деп хабарлайды «Dalamedia» ақпараттық порталы.
Қостанай – Қарабұтақ бағытындағы KAZ-19 автожолында ауа райының бұзылу салдарынан бірнеше көлік қар құрсауында қалған. Төтеншеліктер адамдар мен көліктерді эвакуациялау үшін құтқару операциясын жүргізді. Нәтижесінде 13 адам эвакуацияланған.
Сондай-ақ Жітіқара ауданы, Мүктікөл ауылынан 10 шақырым жерде тағы 8 адам эвакуацияланды. Құтқарушылар жеңіл көлікті тазартылған жолға сүйреп шығарып, ішінде екі адам болғанын хабарлады.
Қарасу ауданы, Сүйгенсай ауылының маңында екі жеңіл көлік қар құрсауында қалып, олардың ішіндегі алты адам, соның ішінде бір бала эвакуацияланды. Барлығы уақытша жылыту пунктіне орналастырылды.
DALAMEDIA admin
Бүгін, 17:00
Қоғам