Әлеуметтік желілерде Қарабұтақ – Қостанай автожолында түсірілген видео кеңінен тарап жатыр. Кадрлардан жол қызметкерлерінің ылғалды, лайсаң жолға жол белгілерін салып жатқанын көруге болады. Балшық, су және жаңа жағылған бояу бір мезетте анық байқалады.

Желі қолданушылары мұндай жолақтың қанша уақытқа шыдайтыны және неліктен қолайсыз ауа райында салынғаны туралы сұрақтар көтерді. Бұл мәселелер редакцияны да алаңдатты.

Осыған байланысты редакция уәкілетті мемлекеттік органдарға ресми сауал жолдады. Қазіргі таңда аталған жағдайға қатысты ресми түсініктеме күтілуде.