Кәрім Мәсімовтің зәулім үйінен тәркіленген мүліктер электронды сауда арқылы бірнеше есе қымбатқа сатылды, – деп хабарлайды «DalaMedia» ақпараттық порталы.
Аукционға ұлттық өрнегі бар былғары белдік пен қынабымен бірге самурай қылышы шығарылған. 20 ақпанда өткен электронды сауда барысында самурай қылышы 3 413 825 теңгеге сатылды. Бұл оның бастапқы бағасынан (461 312 теңге) шамамен 7 есе жоғары. Саудаға алты адам қатысып, кепілдік жарна енгізген.
Ал ұлттық өрнекпен безендірілген былғары белдік 524 261 теңгеге өтті. Оның бастапқы құны 183 750 теңге болған. Бұл лотқа төрт үміткер қатысқан.
Айта кетейік, аталған бұйымдар бұған дейін де саудаға шығарылған. 2025 жылдың қарашасында қылыш сатылғанымен, сатып алушы қаражатты төлемегендіктен мәміле жарамсыз деп танылған.
DALAMEDIA admin
Бүгін, 16:30
Қоғам